Í verkætlanini á Borðoyarvík var upprunaliga talan um eitt øki á 15.000 m2, ið verður útgrivið sunnanfyri bátahylin. Nýggi sáttmálin við J & K Petersen, sum eisini stendur fyri verandi verkætlan, merkir, at J & K Petersen leingir verandi verkætlan við 100 metrum, svarandi til 6.585 m2. Sostatt verður samlaða ídnaðarøkið 21.585 fermetrar til víddar.

6 stykkir á 200m2 og eitt stykki á 8.500 m2 og hartil verða tað einir 2000 til 3000 fermetrar, ið er sprongdir og klárt til víðari planleggjan og planering til ídnaðarstykkir. 

Eisini Grótbrot og tilfærssølu
Endamálið við ídnaðarøkinum á Borðoyarvík, er at nýta suðurendan til vinnuøkið, umframt at Grótbrotið og annað virksemi hjá kommununi skal halda til har. Hendan íløgan tryggjar, at kommunan og borgarar koma at hava góða atgongd til grót og annað tilfar til framtíðar verkætlanir bæði kommunalar og privatar.

Norðhavnin og nýtt vinnuøkið á Vánni
Í samband við tunnilsarbeiði norður um fjall hevur kommunan gjørt avtalu við Landsverk, soleiðis at vit fáa alt grótið til útbygging av Norðhavnini og onnur arbeiðir í kommununi. Í Norðhavnini er møguligt at leingja bryggjukantin í beinari linju einar 30-40 metrar.

Nýtt vinnuøkið á Vánni
Á vánni í Klaksvík byrjar eitt útfyllingararbeiðir í komandi døgum, so eitt nýtt vinnuøkið verður niðanfyri Blikksmiðjuna og í framtíðini letur hetta eisini upp fyri at bryggjukanturin frá gamla Skipafelagnum og suðureftir kann leingjast, so fáa vit møguleika fyri at fáa ein bryggjukant í er omanfyri 100 metrar.

Tær vinnuligu avbjóðingar vit hava, loysa vit við at gera Klaksvík størri so vit fáa meira uppland, so rúm er fyri enn fleiri vinnufyritøkum á Borðoyarvík og í Norðhavnini og á Vánni. Sanniliga ein kommuna í framburði og stórari menning.

Óli M. Lassen, limur í Havna- & Vinnunevndini

Formaður í Teknisku Nevn

Formaður í Ferðslunevndini

Næstformaður í Byggi & Býarskipanarnevndini

Limur í Mentunarnevndini