Í landskappingini í ár eru bara tvey Europapláss at kappast um, meðan tað síðsta verður í kappingini um løgmanssteypið, har KÍ fyrr í ár bleiv útsligið av HB. Sostatt má KÍ enda í topp 2 í landskappingini fyri at vissa sær Europapláss, meðan eitt 3. pláss ger, at neyðugt verður fyri hjálp frá topp 2 liðunum í kappingini um løgmanssteypið. 

Í løtuni liggur NSÍ á 2. plássi, men KÍ og B36 liggja beint aftanfyri og hava spælt færri dystir.

2. NSÍ 53 stig (23 dystir)

3. KÍ 51 stig (21 dystir)

4. B36 49 stig (22 dystir)

Hyggja vit so eftir dystunum, ið liðini hava eftir og taka botn 5 dystirnir burtur (har topp 4 liðini hava vunnið 53 av 54 dystum í ár), so hevur KÍ hesar:

B36 (h)

Víkingur (ú)

NSÍ (ú)

HB (h)

NSÍ hevur hesar:

Víkingur (h)

HB (ú)

KÍ (h)

B36 (ú)

B36 hevur hesar:

KÍ (ú)

Víkingur (ú)

NSÍ(h)

Sostatt hevur B36, ið liggur aftast av hesum trimum liðunum, tað á pappírinum lættastu skránna. B36 er einasta liðið, sum ikki hevur oddaliðið HB eftir. Dysturin mikukvøldið, ið byrjar kl. 18.30, verður undir øllum umstøðum sera týdningarmikil.