Listi Á hevur tríggjar yvirskriftir, har øll stevnuskráin verður arbeitt útfrá. Hesar yvirskriftir eru: Trivnaður, umhvørvið og samstarv. 

Hetta eru yvirskriftir í breiðum merkingum, men av tí at tað er politikkarans ábyrgd at seta kósina í kommununi, er tað umráðandi at hava ein greiðan arbeiðssetning. Listi Á vil tryggja, at tað er borgarin sum er í miðdeplinum, tá kósin verður sett fyri tey komandi fýra árini. Listi Á setur til eina og hvørja tíð borgarin í fremstu røð.

Listi Á heldur tað vera umráðandi, at kommunan heldur áfram við at fremja góðan trivna og skapa karmar, fyri tey sum búgva og virka í kommununi. Harumframt til tey, ið ynskja at seta búgv í okkara kommunu. 

Umhvørvið, bæði í mun til burðardygd og í mun til tað estetiska, skal setast á breddan, so Fuglafjørður kann gerast ein fyrimyndarlig kommuna á tí økinum. 

Har afturat, er tað av avgerðandi týdningi fyri Lista Á, at fáa í lag álítandi samstørv ímillum kommunu og vinnu, ímillum kommunumørk, ímillum kommunu og land, og ikki minst ímillum kommunu og borgaran, tí hetta er umráðandi fyri tryggleika borgarans og trivnaðin í kommununi. “Trívist borgarin, trívist kommunan”, er niðurlagið hjá Lista Á. 

Listi Á er til reiðar at taka ábyrgd í býráðnum í Fuglafirði komandi fýra árini.

Tey sum umboða Lista Á eru: 

Gudny Vang, Ólavur Larsen, Lillian Jacobsen, Sonni á Horni, Bergtóra Cederiusdóttir, Sæbjørn Leiti, Niels Midjord, Rebekka P. Zelander, Thordur Egholm, Anna H. Abrahamsen og Jóhan Petersen

Leinkja til Lista Á á Facebook: https://www.facebook.com/listiafuglafjordur