Hósdagin 30. apríl

Kl 16-17.15 bjóðar Stjørnan til Trille Trolle hondbólt fyri 2-4 ára gomul børn. Børnini skulu koma saman við einum vaksnum. Venjingin og spælið er í KÍ høllini.
Kl 16.30 er bókakafé á Klaksvíkar Bókasavni. Bókavørarnir fara at fortelja um hvørjar nýggjar bøkur eru komnar.
Kl 18.30 bjóða grønu skótarnir í Klaksvík til eina hugnaliga løtu á økinum hjá grønu skótunum. Vit fara at rudda í okkara nærumhvørvi, grilla sneisabreyð og skúmgæti, spæla skótaspøl og hava skótaquiz. Øll eru vælkomin.
Kl 19.30 er konsert í Christianskirkjuni við Sankt Anæ Kammerkor.
Kl 20 er konsert við Rana Nolsøe í testovuni Marin Malenu. Konsertin er ókeypis, men atgongumerki má bíleggjast á bsg.fo

Fríggjadagin 1. mai, Dýri Biðidagur

Kl 17 er konsert í kirkjuni á Kirkju við Hans Andrias Jacobsen og øðrum. Hetta er partur av fólkatónleikastevnuni hjá Summartónum.
Kl 18 er backgammon-kvøld í kafé Fríðu. Kl 18 er skráseting, og kappingin byrjar kl 19.

Leygardagin 2. mai
Kl 10 kunnu borgarar í Klaksvíkar Kommunu fáa ein plantupakka frá býargartnaranum uttanfyri bókasavnið.
Kl 11 byrjar NS hálvmarathon uttanfyri Norðoya Sparikassa.
Kl 11-18 eru Luksus Loppur í Badmintonhøllini.
Kl 15 er klassisk konsert í Varpinum við Aksel Remmel á klaver, og Félix Nunes á sello.
Kl 17 er fólkatónleikastevna við blandaðum tónleikarum í Hattarvíkar kirkju.
Kl 17-19 er opin pallur í Varpinum fyri børn.
Kl 19 er testovukonsert við Niclas Hera Jákupsson og Tórfríð Tavsen. Konsertin er ókeypis, men neyðugt er at tryggja sær pláss á bsg.fo
Kl 21 er kafé quiz í kafé Fríðu

Sunnudagin 3. mai
Kl 19-20 er føroyskur dansur fyri alla familjuna í Skálanum. Børnini fáa saft og tey vaksnu fáa kaffi.

Mikudagin 6. mai
Kl 18.30-21.30 er mikukvøld á Hermótinum. Hermótið heldur til á Heygavegi 42.