Lýsing
Lýsing
Lýsing

Býráðið skal raðfesta dagstovnaøkið hægri

SKRIVAÐ: Herfrí Sørensen  |  25.10.2020 - 21:03 Kommunuval 2020 Politikkur

Fái eg veljarans álit á býráðsvalinum, vil eg virka fyri, at býráðið tey komandi árini fer at raðfesta dagstovnaøkið munandi hægri, enn gjørt er higartil.

Dagstovnar og í dagrøkt er ein tann fyrsta almenna tænastan, sum foreldrini lata síni ungu børn upp í hendurnar, og tí er tað sera umráðandi, at hesir kommunalu stovnar fáa tann ans og tær játtanir, sum eru neyðugar fyri at veita eina nøktandi tænastu og, ikki minst, at tryggja nøktandi karmar um  virksemið.

 

Klaksvíkar kommuna er heppin at hava dugnalig starvsfólk og leiðarar á hesum øki, sum gera eitt gott arbeiði. Hetta síggja vit eisini í teimum nøgdsemiskanningum, sum kommunan hevur gjørt seinastu árini.

 

Samstunds mugu vit tó ásanna, at hetta økið fær ikki nóg høga politiska raðfesting. Her hugsi eg serliga um tað, sum verður játtað og gjørt fyri at viðlíkahalda og dagføra karmarnar, tvs. høli, leikur og útiøki.

 

Hetta er ikki í lagi, og hetta ætli eg mær eisini at arbeiða fyri at fáa broytt, fái eg møguleikan til tað eftir valið. Sum á so nógvum øðrum økjum snýr tað seg um at seta pening av til viðlíkahald og til dagføringar.

 

Vit hava dugnaligar húsavørðar, sum gera eitt gott arbeiði, men fyri at fáa dagførdar karmar krevjast nøkur eyka átøk og ein størri játtan, sum verður markað til hetta endamál.

 

Nýggi dagstovnurin

Tað hevur eisini gingið ov seint við byggingini av nýggja dagstovninum Oman Valrætt, sum leingi hevur ligið í kortunum at byggja.

 

Hetta er ein spennandi og neyðug verkætlan, og tí má ikki drálast longur, men setast full ferð á byggingina, so hann kann standa liðugur skjótast møguliga.

 

Hesum vil eg eisini virka fyri.

 

Mikladalur, 25. oktober 2020

 

Herfrí Sørensen

Býráðslimur og valevni fyri Fólkaflokkin

Lýsing
Seinastu tíðindini
Upptakt: Víkingur-KÍ
Heimsstjørna prísar flyglinum í Varpinum
U21 hetjurnar vitjaði Duritu og Fríðin
Fyrrver­andi blaðstjóri vitjaði Norðlýsið
Líggjas við enn einum meti
Julian: Eg vil hava fleiri met
Til Danmarkar at kappast
Seir á Klaksvík
Vinnulig frambrot undir hesi samgonguni
Magni Højgaard nýggjur limur í Etiska rá…
Eyðun Nolsøe spælir hittini á Summar Fes…
Líggjas nýtt føroyskt juniormet í 200 fr…
Byggja undirsjóvar­tunnil í Kalsoynna?
Súkkli í egnum landi
Løgmaður helt røðu fyri U21-hetjunum
Metstórar skatta­rætt­ingar í 2024
Føroyskir triatletar luttikið í kappingu…
Søgan um Merle Haggard (5:9)
Vinn atgongumerki til Summar­festivalin
Bústaðarmarknaðu­rin kókar og føroyingu…