Fyrrapartin fer regnið at minka, og vindurin minkar eitt sindur – niður í 10 til 15 m/s.

Eina løtu fyri middag fer aftur at regna. Hesaferð eru tað brúgvaløgini, sum hoyra til lágtrýstið, sum er á veg til okkara við vindinum. Hesi bæði brúgvaløgini – hitabrúgv og kuldabrúgv – eru næstan samanrunnin og koma næstan í senn – einki glopp ímillum. Tí regnar illa kring alt landið frá middegi til nátturða.

Stutt eftir at tað er farið at regna á middegi, fer vindurin at veksa – úr 10 til 15 m/s á middegi upp í 15 til 20 m/s á nátturða (klokkan 18). Hesa løtuna tað regnar, og vindurin veksur, fer ættin at sníkja seg vestur um sunnan til útsynning-sunnan.

Eftir nátturða heldur samregnið uppat, og ístaðin er ælaveður. Vindurin heldur á at veksa, meðan ættin spakuliga broytist. Á midnátt er miðalvindurin kring alt landið 25 m/s av útsynningi og ælaveður – og soleiðis fer veðrið at vera alla nátt og allan fyrrapartin í morgin.

Á middegi í morgin er tað ringasta yvirstaðið. Vindurin fer at minka spakuliga úr 25 m/s á middeg niður í 10 til 15 m/s á middegi.