Í hesum døgum kemur ungdómsskaldsøga eftir Dánial Viðoy út. Sum tað stendur í tíðindaskrivinum um bókina aðrastaðni her á síðuni, hevur hon eitt óvanligt sjónarhorn, er realistisk og snýr seg í stuttum um ein ungan drong á Viðareiði, ið gongur á miðnámsskúla á Kambsdali og annars livir ungdómslívið – við uttanlandsferðum, konsertum, stevnum og víðari lesnaði. Skaldsøgan er bæði lívsjáttandi og humoristisk, men eisini merkt av brotasjógvum.

Bókin er júst liðugt prentað. Eydna Steinberg hevur gjørt permuna, og tað er forlagið Ungu Føroyar, ið geva út. Bókin er 215 síður og kostar 290 krónur.