Tá ið hon byrjar ferðina ímóti okkum, er luftin køld – eitt sindur undir frostmarkinum. Komin higar, er hitin um 7 stig.

Yvir meginlandinum í Norðuramerika kann luftin vera eitt sindur turr, men hon ferðast langa leið eystureftni beint yvir havinum, og tí er væl meiri av vætu í henni, tá ið hon er komin hertil. Relativa innihaldið av vætu er komið upp á eini 80%.

Soleiðis ferð veðrið at vera í vikuskiftinum.

Í dag – fríggjadag – 8 til 12 m/s av útsynningi ella útsynningi-suðuri. Skýggjað og okkurt ælið – hitin liggur um 7 stig.

Í morgin – leygardag – undir 5 m/s av útsynningi ella útsynningi-suðuri. Skýggjað og okkurt ælið – hitin liggur um 7 stig.

Sunnudagin fer ættin úr útsynningi og upp í vestan og útnyrðing-vestan. Vindferðin fer at veksa úr 8 til 12 m/s um sunnunátt upp í 13 til 18 m/s um kvøldið. Fyrrapartin ælaveður, men eftir tað er samregn. Annars skýggjað allan dagin, og hitalagið fer at liggja um tey 7 stigini.

Gott vikuskiftið.