Lýsing
Lýsing
Mynd: ki.fo

Jasper Van Der Heyden var útróðrarmaður við síðuna av fótbóltinum

SKRIVAÐ: Jákup Ósá  |  19.01.2021 - 21:42 Ítrottur Tíðindi Vinna

Nýggi belgiski leikarin hjá KÍ hevur havt eitt serligt starv viðsíðuna av fótbóltinum, meðan hann hevur verið í Føroyum.

Hann hevur verið útróðrarmaður, men tað verða væntandi færri túrar, nú hann spælir fyri felagið í fiskivinnuhøvuðsstaðnum.

25 ára gamli Jasper Van Der Heyden skifti í vetur frá AB til KÍ. Hann kom til Føroyar fyri einum ári síðani og var so mikið sannførandi í AB, at boð vóru eftir honum úr KÍ.

 


Útróðrarmaður

Eitt sum er serligt við Jasper Van Der Heyden er starvið, sum hann hevur havt viðsíðuna av fótbóltinum. Hansara verfaðir í Kollafirði hevur útróðrarbátin Todnes, sum er fyrrverandi Bjørgvin. Jasper hevur róð út við Todnes seinasta árið.

- Eg havi hjálpt verfaðir at rógva út. Fyri tað mesta hava vit verið við línu, men onkuntíð hevur tað bara verið fyri hygg til heimabrúk. Hetta hevur mær dámt væl. Vit hava róð út við Todnes, sum er ein bátur, sum kom frá Klaksvík (Bjørgvin, blaðm.), sigur Jasper Van Der Heyden við Norðlýsið.

 


Raðfestir fótbóltin framum útróðurin í 2021

Norðoyingar hava altíð verið stoltir av sínum útróðrarflota, men teir noyðast ikki at vera bangnir fyri, at útróðurin hjá nýggja KÍ-leikaranum fer at ganga útyvir fótbóltin.

- Í ár verður tað bara onkur túrur til stuttleikar, tí nú spæli eg professionellan fótbólt, sigur Jasper Van Der Heyden við Norðlýsið.

 


Jasper fekk eina góða byrjan í KÍ í fyrsta venjingardystinum, har hann var við í nógvum av álopsspælinum og eisini skoraði eitt flott mál.

Lýsing
Seinastu tíðindini
Sjey lond samstarva um norð­uratlantiskt…
Handlar og handlandi í Norð­oyggjum á net…
Stórt KÍ blað í gerð
Morgun­venj­ingar á KÍ-akademi­num byrjaðu…
Klaksvíkar Handverkara­felag
Myndarøð: Mjølnir - Dráttur
Heilsan á altjóða kvinnu­deg­num 8. mars
Samrøðubólkur fyri Tvørkynd
Myndarøð: Flotaðu Klaksvíking í dag
Myndarøð: KÍ vann 4-0 á Svangaskarði í d…
Lands­fundu­rin hjá Miðflokki­num verður fr…
Er minkingin dokumenterað?
Kommunur­nar prógva sína ómegd
Andras S. Jacobsen yvirtekur Maverick
Dystar­veðrið B68 – KÍ
Okkara vakra náttúra
Mars máni - byrjar sum leyva, rýmir su…
Tíðindafundur um staðseting av nýggja Tj…
Mjølnir á heimavølli í dag
Upptakt: B68-KÍ