Lýsing
Lýsing
Á myndini eru frá vinstru: Rønn Eliasen, Hedvig Westerlund-Kapnas, Erland Tvørfoss, næstformaður, Gunnvá Zachariasen, Jenis av Rana, landsstýrismaður, Poul Guttesen, formaður, Dávur Winther, Bárður Persson, Hansina Iversen og Hans Pauli Tórgarð.

Nýggj nevnd í Mentanargrunni Landsins

SKRIVAÐ: Tíðindaskriv  |  22.01.2021 - 15:08 Mentan Tíðindaskriv

Í morgun hevði nýggja nevndin í Mentanargrunni Landsins fyrsta fundin saman við landsstýrismanninum í mentamálum, Jenisi av Rana.

Á fundinum takkaði landsstýrismaðurin fyri, at nýggju limirnir hava tikið við áheitanini, og vísti á, at hetta er eitt serligt ár fyri Mentanargrunnin, sum í mai fyllir 75 ár.

Í nevndini eru fimm limir, og hvør limur hevur ein varalim. Landsstýrismaðurin velur sjálvur tríggjar limir, og tveir limir verða valdir eftir tilmæli frá Listafólkasambandi Føroya. Treytin fyri nevndarsamansetingini er, at hon skal hava breiða samfelagsliga og mentanarliga umboðan.

Nýggir limir og varalimir, sum Jenis av Rana, landsstýrismaður, valdi til nevndina:

Poul Guttesen, sum eisini er formaður

  • Varalimur: Nils Ohrt

Erland Tvørfoss, sum er næstformaður

  • Varalimur: Dávur Winther

Hedvig Westerlund-Kapnas

  • Varalimur: Rønn Eliasen

 

Nýggir limir og varalimir eftir tilmæli frá LISA:

Hansina Iversen

  • Varalimur: Gunnvá Zachariasen

Hans Pauli Tórgarð

  • Varalimur: Bárður Persson

Bara ein av nývaldu limunum hevur áður sitið sum varafólk, annars er øll nevndin púra nýggj. Hon situr í fýra ár – frá 1. januar 2021 at rokna og til 31. desember 2024.

Uppgávan hjá Mentanargrunninum er enn í dag tann sama, sum tá hann var stovnaður fyri trífjórðings øld síðani: at styðja starv fyri føroyskum máli, bókmentum, list, vísindum og øðrum mentanarmálum – bæði hjá leikum og lærdum. Til at náa hesum endamáli umsitur grunnurin meginpartin av almenna stuðlinum, sum verður veittur til mentan og list, umframt íverksetarastuðulin og starvslønirnar.

Grunnurin skal serliga stuðla tiltøkum og verkætlanum, sum kveikja og menna føroyska myndlist, tónlist, bókmentir, sjónleik og aðra list, sum kann javnmetast við hesar listagreinir.

Lýsing
Seinastu tíðindini
Søguligar kappróðrarmyndir
Næmingar á Skúlatrøð vitjaðu Sjónám
Vita vit einki um føroyska skarvin?
Eingin kost­ráð­gevi knýttur at maga- og t…
Christoffur og Julia halda fram í Stjørn…
Kanningar til film um Lækna­stríðið
Fakligur íblástur til námsfrøðiliga økið
Methøgur solvensur og framgongd í realk…
Lands­stýrið linkar koronukrøvini
Grindin ongan veg farin
Nú síggjast tjøldur
Tøkk
Norðlýsið á gøtuni
Tunlarnir fjølgast
Bilur rendi á grót
Er nakað, sum vit eiga at vita?
Semingsstovnu­rin komin uppí samráðingarn…
Fríða: Fiskur og skeljadýr á matskrá…
Skelting og føroysk bendingarlæra
Ímyndir av kvinnum – goymt gull frá List…