Flogbóltsárið er rættiliga farið at halla, og nú eru bara sjálvar FM-finalurnar eftir at leika. Eins og nógvu árini undan hesum, verða finalurnar hjá teimum yngru liðunum leiktar í høllini í Trongisvági frá fríggjadegnum 26. mars til sunnudagin 28. mars. 

Høllin í Trongisvági verður karmur um tiltakið, og alt er fyrireikað sum á hægsta altjóða stigi við serliga flogbóltsgólvinum og øllum tí, ið hoyrir til. Tað er TB, sum saman við FBF stendur fyri tiltakinum og Varðin Pelagic er høvuðsstuðul. 

Vit kunnu vænta okkum nógvar góðar og spennandi dystir, og sum ikki einaferð, er SÍ best umboðað. TB eigur lið í trimum finalum, og man ikki vera væntandi, at tvøráfólk fara at taka væl undir og stuðla sínum liðum við buldur og brak. 

Cafeteria v/Anitu hevur opið allar dagarnar, og leygardagin frá kl. 12.00 er Føroya allar besta buffé opin í matarhøllini í skúlanum. 

Stroymað verður frá øllum finalunum á www.fbf.fo

Finalurnar verða leiktar soleiðis:

Fríggjadag 26.03.21

Kl. 16.30 Gentur 14                SÍ - Fleyr

Kl. 18.30 Dreingir 15              SÍ - Ternan

Kl. 20.30 Gentur 19                SÍ - KÍF

Leygardag 27.03.21

Kl. 10.00 Kvinnuunglingar      SÍ - KÍF

Kl. 12.00 Dreingir 17              TB - SÍ 

Kl. 14.00 Gentur 16                TB - SÍ 

Kl. 16.00 Mansunglingar        SÍ - Fleyr

Sunnudag 28.03.21

Kl. 14.15 Gentur 12                Mjølnir a - Dráttur a

Kl. 15.45 Dreingir12               TB a - SÍ

Eisini FM-yngri 3. apríl 

Orsakað av serligum viðurskiftum, verður finalan í G14 B ikki leikt fyrr enn leygardagin 3. apríl í Høllini á Hálsi, tá FM-finalunar hjá teimum vaksnu verður.

Finaluliðini í G 14 B eru B 71 og Ternan a