P/F Framherji hevði eitt gott ár í fjør
Úrslitið á botnlinjuni øktist við góðum 17 mió í fjør í mun til undanfarna ár, skrivar bl.fo
Í leiðslufrágreiðingini stendur m.a.:
Sp/f Framherji eigur og rekur tvey uppsjóvarskip, eitt verksmiðjuskip og trý línuskip.
Uppsjóvarskipini eru M/S Fagraberg og M/S Høgaberg, sum fiska pelagisk fiskasløg. Akraberg FD 10 er eitt verksmiðjuskip og fiskar fyri tað mesta tosk í Barentshavinum. Harafturat eigur felagið línuskipið Skørin og frystilínuskipini Stapin og Jógvan I.
Felagið eigur saman við øðrum fiskavirkini P/F Faroe Origin og P/F Pelagos, ið virkar uppsjóvar fisk. Umframt hetta eigur felagið onnur partabrøv.
Konsern: Ársins nettosøla er 514.307 t.kr. ímóti 516.608 t.kr. síðsta ár. Úrslitið eftir skatt er 85.004 t.kr, ímóti 71.632 t.kr. síðsta ár. Leiðslan metir ársúrslitið vera nøktandi.
Tøki peningurin er í 2020 hækkaður við 19.775 t.kr. frá 70.226 t.kr. til 90.001 t.kr.
Móðurfelag: Ársins nettosøla er 300.205 t.kr. ímóti 278.108 t.kr. síðsta ár. Úrslitið eftir skatt er 80.989 t.kr. ímóti 63.624 t.kr. síðsta ár. Leiðslan metir ársúrslitið vera nøktandi.
Tøki peningurin er í 2020 øktur við 7.732 t.kr., frá 42.307 t.kr. til 50.038 t.kr.