Lýsing
Lýsing
Í vikuni, sum kemur, fer at vera lítil vindur og turt næstan alla tíðina. | Mynd: rte.ie (írska veðurstovan)

Veðrið í vikuni, sum kemur

SKRIVAÐ: Hanus Kjølbro  |  11.04.2021 - 21:27 Tíðindi Veðrið

Í stuttum gott veður fyrstu dagarnar, lítið vindur og fyri tað mesta turt, men hóskvøldið og til og við vikuskiftið eitt sindur meiri vindur, men framvegis turt.

Orsøkin er eitt hátrýst, sum fer at leggja seg yvir okkara leiðir næstu vikuna. Miðjan á hátrýstinum fer at liggja yvir bretsku oyggjunum og Norðsjónum og fer at senda lýggja og turra luft ímóti Føroyum. Tí fer lýggj luft at koma hendan vegin úr suðurættum frá týsdegnum at rokna.

Veðrið í vikuni, sum kemur, dag fyri dag:

Mánadagin: Landnyrðingur og norðan, minni enn 5 m/s. Ein løta við regni um morgunin, men annars turt. Skýggjað og sólglottar.

Hitin mánadagin fer at liggja um 2-3 stig.

Týsdagin: Um náttina vestan, men tíðliga um morgunin sunnan, undir 5 m/s. Turt allan dagin, men tó okkurt ælið við regni um kvøldið. Um kvøldið fer ættin í útsynning.

Hitin týsdagin fer at veksa úr 3 upp í 7 stig.

Mikudagin: Útsynningur-vestan, sum út á dagin gongur niður ímóti suðuri. Vindferðin fer ikki upp um 5 m/s. Turt allan dagin, skýggjað og sólglottar.

Hitin mikudagin fer at liggja um 6-7 stig.

Hósdagin: Suðurætt allan dagin, Vindurin fer at veksa úr 5 m/s um náttina upp í 10 til 15 m/s seint seinnapartin. Um kvøldið minkar aftur. Turt allan dagin. Skýggjað og sólglottar.

Hitin hósdagin fer at liggja um 6-7 stig.

Fríggjadagin: Sunnan ella útsynningur-sunnan, 10 til 15 m/s. Turt og skýggjað – sólglottar í støðum.

Hitin fríggjadagin fer at liggja um 7-8 stig.

Leygardagin: 10 til 15 m/s av suðuri allan dagin. Turt og skýggjað við sólglottum.

Hitin leygardagin fer at liggja um 7-8 stig.

Sunnudagin: Júst sum við leygardegnum, so eru 10 til 15 m/s av suðuri allan dagin. Turt og skýggjað við sólglottum.  

Hitin sunnudagin fer at liggja um 7-8 stig.

Lýsing
Seinastu tíðindini
Norðlýsið á gøtuni
Silvur­brúdleyp - Elisabeth og Sigmundur
Málmansvenja­rin er komin uppá pláss hjá…
Kom bara inn!
Myndir og video: Vóru eftir veðrum í Sey…
Fuglberg og Skoraberg landa á Kósini í d…
Stórt tunnilsblað næsta fríggjadag
Ársins Róland latin Anniku og Karin
Hin myrki 11. september - hjartanem­andi…
Avrikið hevur hægstu raðfesting
Tit eru við til at gera okkara bý fjølbr…
Móttøka í virknis­húsi­num í Mylnugøtu í K…
Arbeitt verður við bústaði til 44 arbeið…
Búnaðarstevnan verður tann 20. november
45 nýggjar leiguíbúðir í Tórshavn
Sjóhiti til Føroya Tele í Klaksvík
Staksdagu­rin verður í Tjørnuvík leygarda…
Sjáldsama fáir skaðar fyrra hálvár
Nú byrjar tilmeldingin til Kvøldskúlan
Skrellibilar standa fullir í skrelli