Ingi Sørensen niðri á Reynsmúla í dag
Í gjár ringdi Ingi Sørensen og spurdi um eg vildi sigla hann út á Borðoyarvík, tí hann hevði í hyggju at fara niður á bátin, ið vit haga søkt góðar 100 metrar frá lendingini á Oyri. Vit báðir Hans Hjalti Skaale gjørdu av at fara ein túr við honum. Avgjørdu eisini at fara ein túr við tráðuni tá Ingi Sørensen var liðugur við sínar upptøkur.
So var gjørt. Myndirnar niðanfyri eru fyrst myndirnar eg tók á túrinum tá fór niður í dýpið og kom upp aftur, tá vit høvdu sett hann av, fóru vit eystur ímóti Syðratanga, sunnast á Skorini, men har rak so hart at illa bar til at royna, so vit endaðu skamt frá Hallaratanga á Borðoyarnesi eftir at hava roynt ymsa staðni og onki fingið. Har fingu vit so frægt av hýsu, at báðir fingu at borðreiða við í kvød. Síðani tók eg nakrar myndir fram við landinum Uppsalamegin.
Seinastu myndirnar eru myndirnar, sum Ingi Sørensen tók. Hann var eitt sindur skuffaður av sýninum, tí hann væntaði at klárari var í dýpinum, enn tað var í dag. Men niðanfyri eru tær so. Vit høvdu ein framúr hugnaliga túr saman við kenda havnamanninum Inga Sørensen í dag. Njótið myndirnar.