Fyrsta triðingin av kappingini hevur KÍ ongar trupulleikar havt av botn 5.

Tað hevði KÍ heldur ikki í dag í Sørvági, har KÍ vann heili 5-0. Dysturin var longu avgjørdur í hálvleikinum, tá støðan var 3-0. Páll A. Klettskarð skoraði enn einaferð, Ivar S. Rønning skoraði fyrsta málið fyri KÍ, meðan innskifti Jasper Van Der Heyden eins og í Fuglafirði í hansara síðsta dysti (spældi bara 4 min. móti HB) var sannførandi og aftur millum málskjúttarnar.

KÍ hevur undanfarnu árini havt størri trupulleikar móti botn 5 enn fleiri onnur topp 5 lið, men soleiðis hevur ikki verið fyrsta triðing av kappingini í ár. Úrslitini hjá KÍ móti botn 5 hava verið:

B68-KÍ 0-4

TB-KÍ 0-5

KÍ-EB/Streymur 3-0

ÍF-KÍ 1-4

07 Vestur-KÍ 0-5

Fimm sigrar og málmun á 21-1. Síðsti dystur í fyrsta triðingi er á heimavølli móti liðnum, sum síðstu 10-15 árini hevur tey bestu úrslitini í Klaksvík av øllum vitjandi liðum, B36.