KFUK skótarnir í Føroyum standa fyri tí árliga smáskótadegnum, sum vanligt er at hava á hvørjum ári. Í ár verður dagurin so fyriskipaður av bæði KFUM& K skótinum og Skótalið Nólsoyar Páll og verður hildin í Klaksvík.
Evni fyri dagin er "Úrmælingur" ella "at vera ein úrmælingur". 

Hettar kemst av, at vit í Klaksvík hava havt nógv fólk, sum hava gingið á odda, og havt stóran týdning fyri samfelagsmenningina á ymsan hátt -fíggjarliga, listarliga og vinnuliga.
M.a. Nólsoyar Páll, Waagstein, Elinborg Lützen, Kjølbro og onnur. Hesa vitana um Klaksvík ynskja vit at geva teimum luttakandi.
Dagurin kemur m.a. at ganga fyri seg har vit hava standmyndir av hesum fólkunum.

Dagurin byrjar kl. 10 í Skúlagarðinum við  vælkomst og sangi.
kl. 11 byrja skótarnir úti á teimum ymisku postinum runt um í býnum, har tey sleppa at royna seg í ymiskum skótakynstrum og kreativum aktivitetum. Eisini hevur áhugafelagið Dragin játta seg at sigla tveir túrar við skótinum hendan dagin. Hetta og annars alla hjálp og stuðul frá ymiskum fólkum og fyritøkum eru vit sera takksom fyri.
 kl. 15 runda vit dagin av við bálsetu, sangi og onkrum leskiligum afturvið. (Akursmørk)

Dagurin endar á Akursmørk kl. 16

Stutt info um dagin her 
Forsíða (kfukskotar.fo)

Vit ynskja við hesum degnum fyrst av øllum, at geva øllum smáskótum í føroyum eina góða uppliving í teirra skótalívi, men eisini at seta skótavirksemi á breddan. Vit ynskja at skótar skulu vera sjónligir og ein virkin partur í lokalsamfelagnum.

Meira info um skótarørsluna finnur tú á 
Um Føroya Skótaráð (scout.fo)

www.skoti.fo 
www.kfukskotar.fo