Størsti heimasigur hjá KÍ móti B36 í 50 ár
Vit skulu aftur til 1971 fyri at finna ein eins stóran ella størri sigur til KÍ á heimavølli móti B36 í landskappingini.
KÍ vann 4-0 móti B36 í Klaksvík í dag. Tað er ikki gerandiskostur, at KÍ vinnur á heimavølli móti B36, tí undan dagsins dysti hevði KÍ bara ein sigur í sjey teimum síðstu heimadystunum móti B36.
4-0 er eisini óvanliga stórur sigur til KÍ á heimavølli móti B36. Á útivølli vann KÍ 5-1 í 2006, men á heimavølli hevur KÍ ongantíð vunnið við fýra málum ella fleiri síðani 1971, tá KÍ vann 7-0 á B36 (Kelda: FaroeSoccer). Málskjúttar vóru Jóannes Jacobsen (2), Steinbjørn Jacobsen (2) og Eiler Jacobsen (2). Í dag var tað Jákup B. Andreasen, sum skoraði 4-0 málið í yvirtíðini, sum gjørdi tað til størsta sigurin á heimavølli móti B36 í 50 ár, meðan handara ommubeiggjar, Steinbjørn Jacobsen og Eiler Jacobsen, í 1971 skoraðu fýra av sjey málum móti B36.