Lýsing
Lýsing

KVF og fjølmiðlafólk og fjølmiðlasøgur úr Íslandi

SKRIVAÐ: John William Joensen  |  27.05.2021 - 21:30 Lesarabrøv Mentan

Fyrst skal eg gera greitt at eg ikki arbeiði sum tíðindamaður longur. Men tíðindi hava framvegis mín áhuga og tí festi eg meg við tíðindini um íslendskan ágang móti alment settum miðlafólkum í RUV og nú eisini KVF.

Tíðindaleiðarin í KVF sigur í einum almennum lesarabrævið at hann hevðið fingið upplýsingar sum vístu, at blaðstjórin á Dimmalætting hevði verið so næsadjavur at lurta eftir hvat íslendska reiðarríði Samherji hevði av upplýsingum um arbeiðsmetodirnar hjá ávísum miðlafólkum sum starvast í KVF.

Sambært tíðindaleiðaranum í KVF avdúkar samskifti millum Samherja og blaðstjóran á Dimmu hetta.

Ein áhhugaverdur spurningur er hví oddfiskurin í KVF velur at skrivað eitt lesarabræv ístaðin fyri at viðgera íkomnu støðuna alment í KVF – har høvðuspersónarnir kundu lýst málið fyri opnum tjaldi???

Lesarabrævið hjá tíðindaleiðaranum var so endurgivið í “prime time” tíðindasending har “bestu bitar” úr lesarabrævinum vóru lisnir í upp uttan nakra viðmerking frá pørtunum. Ei heldur hava tær útsagnir og “avdúkingar”, sum tíðindaleiðarin kom við í lesarbrævinum verið viðgjørdar ella útgreinaðar, sum tað hevði sømt seg einum fjølmiðlastovni sum sigur seg virða leiðreglur.

Tíðindini í KVF lata lurtaran og lesaran standa eftir við fleiri spurningum enn svarum og hetta er sera óheppið um ein veruliga ætlar at greina málið heldur enn grugga.

Kundi eisini hugsað mær at spurt nær KVF er farið at lesa upp úr lesarabrøvum á hendan hátt, har uppýsingarnir ikki verða viðgjørdir og har persónar verða ákærdir fyri líkt og ólíkt uttan at lesarin gerst klókari?

Hví hava starvsfólk í KVF tørv á slíkari áleypandi verju í form av lesarabrævið har onnur ikki hava somu møguleika at koma við útgreinandi svarið?

Er kanska ikki trupuleikin at blaðstjórin á Dimmu hevði allar orsøkir til at kanna málið nærri  tá hann fekk íslendsku upplýsingarnar?  

Síðani tíðindini vóru borin í KVF hevur larmandi tøgn verið um málið. Ivist onga løtu í at blaðstjórin av Dimmu fer at svara, men hví hendan larmandi tøgnin í KVF.

Hví verður brakandi miðlasøgan ikki sett í perspektiv, fylgd upp so lurtarin og hyggjarin í KVF fær at vita hvussu miðlafólkini í KVF, Dimmu og øðrum miðlum arbeiða og so fram.

Er støðan kanska veruliga tann at vit hava ein almennan tíðindastovn har persónar sita og dyrka hálvkvøddar politiskar vísir fyri at verja egna ómegd.

Eg spyrji bara?

 

 

John William Joensen

Við áhugað í tíðindinum – eisini íslenskum

Lýsing
Seinastu tíðindini
Veðrið um vikuskiftið
U17-liðið hjá KÍ spælir steypafinalu í k…
Norðlýsið á gøtuni
Silvur­brúdleyp - Elisabeth og Sigmundur
Málmansvenja­rin er komin uppá pláss hjá…
Kom bara inn!
Myndir og video: Vóru eftir veðrum í Sey…
Fuglberg og Skoraberg landa á Kósini í d…
Stórt tunnilsblað næsta fríggjadag
Ársins Róland latin Anniku og Karin
Hin myrki 11. september - hjartanem­andi…
Avrikið hevur hægstu raðfesting
Tit eru við til at gera okkara bý fjølbr…
Móttøka í virknis­húsi­num í Mylnugøtu í K…
Arbeitt verður við bústaði til 44 arbeið…
Búnaðarstevnan verður tann 20. november
45 nýggjar leiguíbúðir í Tórshavn
Sjóhiti til Føroya Tele í Klaksvík
Staksdagu­rin verður í Tjørnuvík leygarda…
Sjáldsama fáir skaðar fyrra hálvár