Tá ið luft ferðast langt yvir hav, áðrenn hon er her í Føroyum, er vanliga nógv væta í henni. Ta vætuna síggja vit sum skýggj ella mjørki hangandi yvir okkum. Tá ið nóg nógv væta er, regnar.

Tað er meiri ella minni hetta veðrið, vit kunnu vænta okkum restina av vikuni og í vikuskiftinum – vind av útsynningi-suðuri, skýggjað fyri tað mesta (tó skiftandi fríggjadagin og ein part av leygardegnum), og løtur við regni, har sum ættin er til tað.

Eitt sindur av vindi onkran dagin – upp í eini 10 til 15 m/s viðhvørt. Fyri tað mesta fer vindurin at liggja um 5 til 10 m/s.

Hitalagið fyri restina av vikuni fer at minka úr 10 stigum í dag niður í 7 stig leygardagin.