Lýsing
Lýsing
Svínoyingar eru misnøgdir við eitt 1½-metra høgt stakitt, ið Klaksvíkar Kommuna hevur sett upp í bygdini, nú stutt frammanundan, at drotningin vitjar Svínoynna. | Mynd: Egin mynd.

Misnøgd um girðing í Svínoy

SKRIVAÐ: Jóhann Lützen  |  08.07.2021 - 15:44 Politikkur Tíðindi

Ein girðing ella stakitt, ið er sett upp úti í Svínoy, nú stutt fyri drotningarvitjanina, hevur elvt til misnøgd millum tey lokalu.

Tað er vorðið til eitt kjak millum svínoyingar og Klaksvíkar Kommunu um eitt stakitt, ið er sett upp úti í Svínoy. Báðir partar eru samdir um, at stakittið átti at verða skift, men kommunan, ið sigur seg fylgja ES-standardum, hevur sett eitt stakitt upp, ið er umleið 1,5 metrar høgt. Hetta er dupult so høgt sum gamla stakittið, og svínoyingar halda nýggja stakittið vera ov grefligt at vísa drotningini.

Meira enn ein lesari hevur vent sær til Norðlýsið, og skrivar ein teirra til blaðið, at tað er “ikki sørt ørkymlandi at síggja, hvussu Klaksvíkar Kommuna fer um kommunalu portrini í Svínoy. Fyrst skiftu tey vakra (slitna) portrið til kirkjuna um við eitt andskræmiligt portur, nú eru tey í gongd við at skifta eitt stakitt út við eitt óbeskriviliga ljótt.”

Stakkittið er sett upp, har brúgvin er um Gilánna. Á Facebook-bólkinum “Svínoyingar” kunnu fleiri myndir síggjast av stakittinum, og har ber eisini til at lesa viðmerkingar frá svínoyingum og øðrum.

Lýsing
Seinastu tíðindini
Páll A. Klettskarð elskar stóru dystirna…
Afturvend­andi avbjóðingar­nar mugu loysas…
Flogbóltur: U 17 liðini til EM-kapping í…
Myndir frá KÍ - B36
Video: Tá føroyameistaraheitið hjá KÍ bl…
KÍ kvinnur­nar Føroyameistarar 2021
Klaksvík – eitt portur til Evropa
KÍ-kvinnur­nar fáa FM-steypið í dag
Upptakt: KÍ-B36
KÍ vann seinast, men vanliga stendur B36…
Unglingar settu eld á rúsur
Mánakøka (Kina)
HB spælt uttan lógligan venjara – sleppu…
MEGD 40 ár
Vit mugu verja Bústaðir
Stutt Flutt Føroysk Framleiðsla  
Bob Sumareh er toppskjútti í topp 5 dyst…
Veðrið um vikuskiftið
Vit síggjast við Djúpumýru
Norðlýsið á gøtuni