Lýsing
Lýsing
Lýsing

Sandfrakt á Eiðinum í dag

SKRIVAÐ: Tekst Dávur Winther - myndir: Dávur Winther og Øssur Hammer  |  11.09.2021 - 15:00 Mentan Tíðindi Vinna

Tó at tað var eitt lot av høgætt og steymurin harður, so varð mett, at til bar at liggja á Eiðinum til miðdags, áðrenn vestfallið tók seg upp.

 

Sandfrakt hevur verið við eini last í morgun av ífyllugróti, skervi og sandi, pakkað í sekkum á 1,3 tons. Kanjon tók í móti og koyrdi uppá pláss.

Teir fingu tó ikki lastbilin at starta, so tí gekk tað eitt sindur seinni, at fáa alt tilfarið niðanfrá bert við einum stórum traktori. Tí vóru teir ikki lidnir at lossa, fyrr enn klokkan var farin av 14.

Men skiparin, sum henda túrin var Øssur Hammer, sigur eins og skipararnir á Rituni, at havnarlagið er munandi betri, nú tað er longt og hækkað. So her var væl liggjandi, tó at tað var eitt sindur meira ókyrrt eftir at vestfallið kom.

Møguliga skal Sandfrakt enn ein túr við tilfari út til Svínoyar, sum Kanjon skal brúka til okkurt arbeiðið, teir hava í kvittanum.

Gamalt var, at tað sum ikki er komið í oynna av stórum lutum fyri Ólavsøku, kemur ikki! Tí tá hevur brimið tikið seg upp og legst sjógvurin ikki aftur fyri veturin. Men hetta hevur tíbetur ikki passað í ár – kanska við hjálp frá einum bøttum havnarlagi. Men veðrið hevur eisini spælt við.

Lýsing
Seinastu tíðindini
1.deild hjá KÍ er best eftir summarsteðg…
1.deild hjá KÍ spælir avgerandi dyst ley…
Seks leikarar vunnu steypakapping­ina fjó…
KÍ vann fyrsta steypið
Mjølnir vann fyrsta dystin
Epli og kjøt av Sandi
Rudda Føroyar
Groundhog day (USA)
Bárður Jákupsson í Gamla Seglhúsinum
Veðrið um vikuskiftið
U17-liðið hjá KÍ spælir steypafinalu í k…
Norðlýsið á gøtuni
Silvur­brúdleyp - Elisabeth og Sigmundur
Málmansvenja­rin er komin uppá pláss hjá…
Kom bara inn!
Myndir og video: Vóru eftir veðrum í Sey…
Fuglberg og Skoraberg landa á Kósini í d…
Stórt tunnilsblað næsta fríggjadag
Ársins Róland latin Anniku og Karin
Hin myrki 11. september - hjartanem­andi…