Lýsing
Lýsing
Lýsing

Burðardygg verkætlanin á dagstovnaøkinum

SKRIVAÐ: Annika S. Biskopstø, Forkvinna í heilsunevndini  |  12.09.2021 - 18:24 Politikkur Tíðindaskriv

Ting verða niðurslitin, um tey verða brúkt. Vit síggja alt ov nógv ting, sum ikki verða brúkt, so tað at okkurt er niðurslitið er í sjálvum sær eitt gott tekin. 

Á dagstovnaøkinum er hetta sjón fyri søgn; har sofur, gardinur, teppur, leikur o.a. ikki altíð hava so langa livitíð. Hetta ynskir Fía Heinesen, sum er tekstil sniðgevi, nú at gera nakað við, og verður hon næstu mánaðarnar tøk á dagstovnaøkinum, har hon fer at umvæla gamlar møblar, toy og ting. 

Sum forkvinna í heilsunevndini fegnist eg almikið um hetta átakið, sum Klaksvíkar Kommuna hevur valt at raðfesta.  Hetta er við til at varpa ljós á endurnýtslu og kreativa umskapan og mín vón er eisini, at hetta kann geva okkara smástu borgarum innlit í eina burðadygga tankagongd og skerpa tilvitið og hugflogið, tá tey síggja at ting verða gjørd í stand og fáa nýtt lív. 

 

Endurnýtsla og burðardyggar loysnir er vegurin fram, og skulu vit verða ein grøn kommuna skulu vit eisini megna at raðfesta og geva slíkum verkætlanum ans - tað er so umráðandi at vit leggja góð virði í okkara børn, tá talan kemur til oyðsl og materialismu og hetta kann verða eitt stig á vegnum. 

 

Góða eydnu við virkseminum, Fía.

 

Annika S. Biskopstø

Forkvinna í heilsunevndini

Lýsing
Seinastu tíðindini
Jóla­konsert: Í menniskjum góður tokki
Søktu Spania í seinna hálvleiki
Nýggj bók eftir Óla Jacobsen um Gamla ki…
Upptakt: Vár G. Hansen til VERSA Challen…
Jóla­trø­ini í Hvannasunds kommunu verða t…
Røðan hjá Sámal Peturi í Grund
Fleiri týðandi framtøk á Klaksvíkar havn…
Strandferðslan økir um túratalið á leið…
Jóla­trø­ini leygar­dagin
Veðrið um vikuskiftið
Veðrið um vikuskifti
Noomi Oddmarsdóttir Gregersen nýggjur st…
ICES-tilmæli fyri botnfisk 2026
Jóla­trø­ini í Kalsoynni
Klaksvíkar bókasavn í desember
Sunnvá hevur teknað jóla­kortið
Advents- og jóla­konsert sunnukvøldið
Skótarnir í 4.a greiða frá
Byggisamtyktin fyri Svínoy góðkend
Jóhan Christiansen, tak uppskotið aftur!