KÍ vann stórsigur á Svangaskarði
Bæði liðini vóru skerd, og tað passaði KÍ nógv betri, sum hevur ein nógv breiðari hóp enn flest øll onnur lið.
Hjá B68 manglaðu Esmar Clementsen, Steffan A. Løkin og Aleksandur Jensen. Hjá KÍ manglaðu Heini Vatnsdal, Jákup B. Andreasen og Bob Sumareh. Tað gjørdi, at Børge Petersen og Jasper van Der Heyden fingu ein sjáldsaman møguleika frá byrjan og teir spældu báðir ein góðan dyst.
KÍ legði beinanvegin trýst á B68 og stýrdi øllum frá byrjan til enda. Í hálvleikinum var støðan 3-0 og endaliga úrslitið gjørdist 5-0. Stóri leikarin hjá KÍ var Árni Frederiksberg, ið legði upp til fýra av fimm málum og átti triðseinastu avleveringina til eitt mál.
Málini hjá KÍ skoraðu Deni Pavlovic, Claes Kronberg, Jasper Van Der Heyden og Boris Dosljak. Eitt mál var sjálvmál.