Tað kendist tó nærri sum eitt tap hjá Team Klaksvík, tí Team Klaksvík steðgaði heilt upp at skora síðsta partin av dystinum.

Team Klaksvík tók beinanvegin leiðsluna í dystinum og førdi 16-14 í hálvleikinum. KÍF byrjaði nógv betri í seinna hálvleiki odda 18-16. So svaraði Team Klaksvík aftur og tá 11 minuttir vóru eftir kom Team Klaksvík framum 24-21. Men so steðgaði Team Klaksvík upp við at skora og endin var at KÍF kom uppá javnleik 24-24, ið gjørdist úrslitið. Hóast keðiliga endan, so kann Team Klaksvík fegnast um at fáa eitt stig í einum torførum útidysti og úrtøkan á trý stig fyri tveir útidystir er góð.

Málini hjá Team Klaksvík skoraðu: Valentino Valentakovic (6), Vilhelm Vilhelmsen (5), Vuk Stevanovic (5), Sámal á Tjaldrafløtti (4) og Tummas Simonsen (4).