Veðrið um vikuskiftið
Í dag, fríggjadag, er veðrið í Føroyum ávirkað av einum lágtrýsti, sum er nakað norðan fyri okkum og nærri Norra. Tí er tað útnyrðingur í dag.
Eitt annað lágtrýst fer at troka tað av í nátt. Tá kemur suðurættin aftur, og hon fer at liggja alt vikuskiftið og stóran part av næstu viku eisini.
Í dag hevur verið eitt frískt lot av útnyrðingi. Vindurin er í minking allan seinnapartin, og í kvøld er ferðin komin niður um 5 m/s.
Beint eftir midnátt fer hann at mala úr ymsum ættum, og so kemur hann lágt – fyrst veksandi av landsynningi, úr 5 m/s upp í 10 til 15 m/s á middegi í morgin við regni allan fyrrapartin, men út á seinnapartin aftur regn og ættin fer í útsynning-sunnan. Tað slítur helst ikki í fyrr enn nakað nógv er liðið út kvøldið.
Hitin í morgin fer at liggja um 9 til 12 stig.
Sunnunáttina fer hann niður í sunnan, og har liggur hann allan sunnudagin og kvøldið við. Vindferðin fer at vera 10 til 15 m/s um náttina og út á morgunin. Fram ímóti middegi veksur vindurin eina løtu upp í 13 til 18 m/s, men út á seinnapartin fer hann at minka aftur. Á midnátt eru um 5 m/s.
Allan dagin yvirhøvur turt og skýggjað, og hitin fer at liggja um 12 stig.
Gott vikuskifti.