Pál Weihe og Duo Intermesso á Sólorku
Í gjár var mánadagur, har vit á Norðlýsinum fyrst og fremst hvíldu okkum eftir nógvar aktivitetir dagarnar frammanundan.
Men tíðliga á kvøldunum komu Terji og Hanna, á pállin. (Hanna er ættað úr Klaksvík, abbi hennara var Martin Poulsen, lærari, sáli). Hon og maðurin Terji eru eftir hondini vorðin hálv sponsk. Tey bæði spældu fyri okkum í meðan Pál í pausunum greiddi okkum frá hansara arbeiði sum granskari og tá serliga við atlitið til grind og spik sum matvøra. Tað var ein sera skemtiligur og sigandi frásøgn, har Pál vann nógv á sínum móti. Stjórin sjálvur, Tróndur Djurhuus var journalistur í tí sambandinum.
Seint á kvøldinum fingu vit Duo Intermesso, kilensku hjúnini Paola og Hector á pallin í klubbanum. Tey bæði eru útbúgvin á konservatoriinum í Santiago de Chile. Tað bleiv ein ótrúlig tónalistarlig løta, og tá tey bæði fóru undir at singja "Haleluja" tóku allir føroyingarnir á Sólorku harðmæltir undir. Til seinast sungu tey nøkur løg, sum dansað bleiv eftir. Jú tað var ein hjartanemandi løta at vera partur av.