Heðin Mortensen, borgarstjóri, letur LEGO-framsýningina upp klokkan 10 mánamorgunin, 11. oktober..

Føroyskir og danskir LEGO-entusiastar hava bygt og sniðað framsýningina. Teir hava bygt sermerktar føroyskar bygningar, og hetta verður ein sera forvitnislig framsýning á Torginum til og við leygardegnum 23. oktober.

Umframt framsýningina eru eisini kappingar á skránni. Her kanst tú til dømis vinna gávukort frá SMS hvørja viku við at gita, hvussu nógvir LEGO-klossar eru í LEGO-figurinum, ið stendur á Torginum.

Haraftrat er skattaveiða á skránni. Henda skattaveiða er hvønn yrkadag frá klokkan 10 til 16.

Komið og njótið teir spennandi LEGO-dagarnar í SMS í heystfrítíðini.