Føroyskt trompetspæl í serklassa
Ernst D. Remmel, ið lesur á “Det Jyske musikkonservatorium, er partur av nýggja føroyska ættarliðnum av ungum tónleikarum, og er eitt tað stórsta føroyska tónleikatalentunum vit eiga. Musikalitetur, arbeiðssemi og hansara natúrliga tilgongd til tónleikin er sum hjá fáum, og um eina viku verður høvi at hoyra hann framføra kendu trompet konsertina í Ab-dur eftir Alexander Arutiunian.
Ernst D. Remmel verður solistur á konsertferðini hjá danska orkestrinum “Amatør Symfonikerne”, sum fer at spæla konsertir í ávikavist Norðurlandahúsinum, í SALT og eina matiné konsertkonsert í Christianskirkjuni í Klaksvík.
Á skránni eru eisini ouverturan til operuna “Die Meistersinger von Nürnberg” eftir Richard Wagner og Carl Nielsen symfoni 3, tilnevnd “Espensiva”
Hetta er bert aðru ferð, at at ein Carl Nielsen symfoni verður spæld í Føroyum. Fyrstu ferð var í 1960, tá “Danmarks Radio Symfoniorkester” vitjaði í Føroyum, og framførdi júst “Espansiva”.
“Amatør Symfonikerne“ vitja í Føroyum í døgunum 18.-23. oktober og ferðin er komin í lag í samstarv við Føroya Symfoniorkestur.
Dirigentur: Bernhardur Wilkinson Solistur: Ernst D. Remmel