Niðanfyri nakrar myndir av fugli við Borðoyarvík og úr hávanum á hædd. Títlingurin, sum er avmyndaður á Støðni á Borðoyarvík er nú ikki so lættur at greina. Í bókini “Fuglar í Norðurhøvum” verður millum annað sagt um titlingin:

Títlingur er klænvaksin og visaligur fuglur og hann er í økinum tann sermerkti títlingurin, tó hann fleiri staðni á oyggjunum í Norðuratlantshavi er færri í tali enn grátítlingurin.

Títlingur er minni og klænvaksnari enn grátítlingur og hevur týðuligari rípur á bakinum og reinari blettir um bringu og liðir. Eisini eru beinini ljós og velrendurnar hvítar. Munurin ímillum títling og viðartítling er minni.

Eisini má verða hugsað um reyðtítling, tí summir títlingar í Norðuratlantshavi kunnu volda trupulleika, tí at teir, tá ið teir eru í nýggjum búna, kunnu hava ljósleittar rípur á bakinum og breiðar ripur um liðirnar eins og reyðtítlingur.

Títlingur hevur tó altíð kámari rípur á drunninum enn á bakinum.

Tann , ið greina skal títlingar, má kenna smámunirnar millum titlingarnar, skal hann fáa greint sjaldnari títlingasløg.