Vindur og regn
Nógv regn er í løtuni – í støðum kring landið er satt áarføri. Vindferðin liggur í miðal fyri alt landið um 13 til 18 m/s av útsynningi ella útsynningi suðuri, men sum tað er við øllum ættum, so fer hon ikki líka við sær kring bygd og bý.
Hetta veðrið fer at vera restina av hesum kvøldi– mánakvøldi, og fer eisini at vera inn yvir um midnátt og inn í týsnátt og -morgun.
Nakrar tímar eftir midnátt fer at slíta í – tó ikki heilt turt, men ælaveður, og vindurin fer at minka eitt sindur, niður í einar 10 til 15 m/s.
Nakað fyri, at fólk tørna út í morginári, fer aftur at regna illa – líka sum tað regnar í kvøld. Vindferðin fer at vera næstan tann sama sum nú, helst eitt lítið sindur minni, um 10 til 15 m/s.
Á middegi ella har á leið fer at slíta í, og ætin fer at støkka upp í útsynning vestan.
Seinnapartin í morgin er ælaveður, og vindferðin fer at liggja um 10 til 15 m/s.