Lýsing
Lýsing

Ynskja vit eina umhvørvisvinarliga samferðslu?

SKRIVAÐ: Eyðgunn Samuelsen, tingkvinna fyri Javnaðarflokkin  |  22.11.2021 - 22:42 Politikkur Tíðindaskriv

Ynskja vit, at samferðslan skal verða burðardygg og taka atlit til umhvørvið, so mugu vit styrkja almenna kollektivu ferðsluna. Tað gera vit eitt nú við at gera tað lokkandi hjá ferðafólki at taka bussin heldur enn einsæris at koyra í bili til arbeiðis. 

Samferðslukervið snýr seg eisini um kollektivu ferðsluna í framtíðini, umhvørvi, at javnseta prísin fyri ferðing kring landið og ferðaendurgjald til tey, ið dagliga ferðast til arbeiðis.

Eitt átak, sum kundi bøtt um støðuna hjá fólki í Norðoyggjum og Eysturoynni, er at endurstovna leið 400 og lata ferðsluna fara stytsta teinin til Havnar, nevniliga gjøgnum Eysturoyartunnilin.

Í løtuni er leið 400 nærmast ein spøkilsisfarleið, har tey fáu ferðandi verða flutt í stórum nærum tómum bussum gjøgnum Sundalagið, sum um eingin Eysturoyartunnil var komin. At SSL skal nýta longstu farleiðina fyri at koma til Havnar, ger tað ikki lokkandi hjá fólki at nýta kollektiva ferðslu - og tað gongur sjón fyri søgn. 

Somuleiðis áttu vit at hugt at kollektivu ferðsluni um alt landið, so øll kundu fingið eina góða kollektiva ferðslu og harvið ein møguleika at taka atlit til umhvørvið í samferðsluni. At stuðla el-bilum heldur enn bensin- og dieselbilum er ein partur av hesum. At gera tað smidligari fyri pendlarar er eisini ein partur av hesum. 

Og so var tað breiða semjan...

Nú um dagarnar hevur formaðurin í fíggjarnevndini, Erhard Joensen, róð uppundir, at vit eiga at gera breiðar semjur tvørtur um andstøðu og samgongu um mál av stórum týdningi, sum røkka langt inn í framtíðina - til dømis samferðslumál.

Eg eri púra samd um, at vit eiga at gera breiðar semjur. Tað krevur, at tey, ið skipa samgongu, ikki binda seg niður í samgonguskjalinum at lata vera við at gera semjur við andstøðuni, sum hendan samgongan hevur gjørt. Ein langtíðarsemja um samferðsluna, ið Javnaðarflokkurin fegin vil vera við til at fremja, krevur at hugt verður eftir allari samferðsluni, herundir eisini kollektivu ferðsluni og kostnaðinum av at pendla. 

Ikki minst, so krevur hon, at andstøðuflokkar verða bodnir við. Tað mangla vit so enn at uppliva, men vit eru til reiðar, fáa vit møguleikan. 

Eyðgunn Samuelsen, tingkvinna

Lýsing
Seinastu tíðindini
Stórt tunnilsblað fríggja­dagin
Nú mugu vit vakna
J&K Petersen skipaði fyri tornkranaskeið…
B36 vann løgmanssteypið
Veðrið í vikuni
“TEIR SJEY LESTRAR­NIR”-gudstænasta við a…
Greining: Fólkið vrakar samgonguna og ve…
Mjølnir greiddu sína skyldu
Team Klaksvík hevur skift venjara
Pensjonistar framvegis fyri vanbýti – og…
Sigurin komin undir land
Jóla­heilsan frá borgar­stjóranum
Dagføring av koronastøðuni
Sama jóla­kalendara øll barnaárini
Frimodt spyr um prísáseting hjá Landssjú…
Tríggjar ferðir ræst kjøt sama dag
Í viðarlund­ina eftir jólatræi
Norðlýsið á gøtuni
Eingin postbátur frá 6. desembur til 3.…
Jóla­træshaldið í Svínoy avlýst