Men í gjár gjørdi Líðhamar ein góðan túr sunnanfyri, teir avreiddu 7.400 pund. Av størru útróðrarbátunum var bert Líðhamar úti.

Brandur úr Hvannasundi var ikki úti í gjár. Men skiparin, Janus Sørensen sigur, at tað hevur verið hugaligt  at róð út nú tí prísurin hevur verið sera góður og hartil hevur fiskiskapurin verið góður. Teir dagarnar útróðrarveður hevur verið hava vit roynt. Prísurin hevur ligið um 22-23 krónur í meðal og vit hava fiska ímillum 7 og 9.000 pund, so tað hevur bara roynst væl. Tó hevur viðrað sera illa seinastu tíðina, so túrarnir hava ikki verið so nógvir, sum ein kanska kundi ynskt-

Fyri stuttum vóru vit á bleytum sunnanfyri, har sá gott út, tí toskurin var sera góður og væl fyri og tað sama var galdandi fyri hýsuna vit fingu har, hon var feit og góð, sigur Janus Sørensen at enda.