Vindur næstu dagarnar
Í kvøld er vindferðin vaksin upp í 15 til 20 m/s av útsynningi. Hetta er miðalvindur – hvirlurnar eru upp í helvtina afturat, t.e. um 30 m/s.
Sum við øllum ættum, so er tað so ymiskt, hvussu hon roynist kring landið. So tað eru fleiri støð, har vindurin er nakað minni. Og meiri.
Í einum veðurkorti liggja Føroyar ímillum eitt máttmikið hátrýst yvir bretsku oyggjunum og øll lágtrýstini, sum ferðast norðan fyri Ísland eystur ímóti Noregi.
Og soleiðis fer at vera næstu 3 samdøgrini ella so. Vit fara at hava vind av útsynningi, vindferðin í morgin, týsdagin, fer at liggja um 15 til 20 m/s, mikudagin 18 til 23 m/s og hósdagin aftur 15 til 20 m/s – tó eitt sindur minni um middagsleitið og eitt sindur út at seinnapartin.
Skýggjað allar tríggjar dagarnar og ælaveður við regni. Hitin er farin upp um 5-6 stig, men tó kann vera vátakavi í erva.