Danir: Radarin neyvan nøkur hóttan
Sambært Forsvarets Efterretningstjeneste fer ein radari í Føroyum ikki at hótta Føroyar. Danskir myndugleikar hava longu mett ein radara í Føroyum at vera fyriuttan nakran strategiskan týdning og av tí sama ikki áhugaverdan fyri eitt nú russar. Møguleiki er tó fyri, at Russland reagerar ímóti útbyggingum í Norður-Grønlandi.
Í tilfarinum, Norðlýsið hevur sæð, verður mett, at ein styrking av Thule-basanum í Grønlandi hevði verið uppfatað sum ein beinleiðis aggressión ímóti Russlandi, men tað hevði ein lofteftirlitsradari í Føroyum ikki. Hetta tí at radarin í Føroyum bara veitir betri eftirlit innanfyri búskaparliga økið hjá Føroyum sjálvum, og tískil ikki útger nakra hóttan fyri russar.
Ein tungtvigandi grundgeving er eisini, at her í Føroyum áður hevur verið ein samsvarandi lofteftirlitsradari heilt fram til 2007, sum Russland ikki so frægt sum gjørdi viðmerkingar til, og enn er onki komið fram, ið bendir á, at Russland hevur broytt sína støðu munandi síðani tá.
Kelda (tilfarið um føroyska radaran er á s. 25):