Silly-season (fótbóltsslatur)
Nógvar flytingar hava verið í føroyskum fótbólti seinastu vikurnar. Bæði millum føroysk feløg og millum útlendsk og føroysk feløg.
Seinasta nýggja er, at Adrian Justinussen, sum var bjóðaður niður aftur til AC Horsens at vísa seg fram, ikki fær sáttmála í skrivandi stund. Møguleiki er tó, at hetta kann broytast í summar.
Í HB verður hugt eftir styrki uttanlands, nú nýggji danski venjarin er komin uppá pláss. Eisini eru onkrir HB´arar, sum kunnu enda uttanlands. Td. Daniel Johansen, sum hevur verið í FC Fredericia og royndarvant. Eisini hoyrist, at áhugi er í øðrum HB´arum frá útlandinum.
B68 fær 2 afrikanarar til royndarvenjing skilst á lagnum. Spennandi verður at síggja hvat støðið teir kunnu koma við.
Olaf Bárðason hjá Víkingi var í síðstu viku og royndarvandi við Lyngby BK í Danmark. Sum skilst, fer Lyngby at fylgja gongdini hjá Olaf fram til summar.
Í Klaksvík hoyrist, at møguliga verður ein ella tveir leikarar kunngjørdir afturat. So spennandi verður at síggja nær ljós aftur er á KÍ loftinum.