Gallaveitsla er innan hondbóltin á Strondum í kvøld. Ein av fastu táttunum er heiðranir har teir bestu leikararnir verða krýndir. At velja verða høvðusvenjarar og eitt umboð fyri hvørt lið. Síðani eru eisini miðlar bidnir at greiða atkvøður. Hondbóltsambandið hevur tó einans boðið høvuðsstaðarmiðlunum og útihýst Norðlýsinum frá tí fína selskapinum. 

Norðlýsið er eisini ein hondbóltsmiðil

Norðlýsið hevur í mong ár gjørt nógv burturúr hondbóltinum í Klaksvík – bæði tá hevur gingið væl og minni væl. 

Hópin av dystarfrásagnum eru gjørdar og eru tøkar í blaðútgávu okkara og eisini á okkara heimasiðu langt aftur í tíðina. Harnæst er okkara myndaarkiv á tremur við hondbóltsmyndum langt aftur í tíðina – ein søguligur hondbóltsdýrgripur av teimum stóru. 

Eftir eitt væl avsluttað ár har bæði Stjørnan og Team Klaksvík fingu medaljukrúnur um hálsin, var møguliga væntandi at onkur av "okkara" leikarum er millum tey nomineraðu.  Og at Norðlýsið fekk møgleikan at greiða atkvøðu á tey bestu innan hondbóltin, men soleiðis skuldi tað ikki verða. 

Norðlýsið ynskir allari hondbóltsfamiljuni eitt framúr galla á Strondum í kvøld og hepna hond framyvir!