Lýsing
Lýsing
Lýsing
In.fo bar í 2016 sjálvt tey tíðindi, at brúkararnir í Vága- og Norðoyatunlinum skuldu gjalda Landskassanum tað aftur, sum er fíggjað við skatti. Kortini fyrigyklar in.fo fólki, at bummgjaldið bara er til viðlíkahald. | Mynd: Skíggjaskot frá https://www.in.fo/news-detail/bummgjaldi-ver-ur-ikki-avtiki-enn

In.fo manipulerar grovt

SKRIVAÐ: Jóhann Lützen  |  05.05.2022 - 11:40 Leiðarin Politikkur

Høvuðsstaðarmiðilin tykist hava áhuga í, at norðoyingar og vágafólk ikki sleppa at koyra ókeypis, og brúkar Gallup til at fáa tann boðskapin fram. Harvið skapar in.fo sjálvur “tíðindini”, tey vilja bera. Hetta er stak óseriøst.

Mitt meðan Fíggjarnevndin situr og viðger Samferðslupakkan, kemur in.fo á banan við eini Gallup-kanning, ið sigur, at 90% eru ímóti at gera Norðoyatunnilin og Vágatunnilin ókeypis. Hetta verður heilt víst gjørt tilvitað og fyri at upppíska ein stemning ímóti Norðoyggjum og Vágum, og fyri at ávirka úrslitið. Og tað eydnaðist. Tillukku við tí, Miðlahúsið.

Hvussu er spurningurin so orðaður? Jú, um fólk vilja hava “Framhaldandi eitt gjald til viðlíkahald fyri at koyra gjøgnum tunlarnar”. Tað er als ikki tað, verandi gjald er fyri!

Í 2016 gjørdi Aksel V. Johannesen greitt, at tað, brúkararnir hava goldið fyri, síðani lánsgjøldini í tunlinum vórðu útgoldin, er partapeningurin hjá Landskassanum, t.v.s. upphæddin, sum landið setti í tunlarnar. Og hetta veit in.fo væl!

Tí tey hava sjálvi skrivað um tað. M.a. á: https://www.in.fo/news-detail/bummgjaldi-ver-ur-ikki-avtiki-enn.

Kortini villleiða tey á in.fo og fyrigykla, at núverandi gjaldið burturav er til viðlíkahald. Ongin ivi kann vera um, hvør grundin til hesa villleiðingina er – tað er fyri at fáa “Ja”-svarprosentið upp. Og tað er manipulatión, so tað forslær. Hetta eigur ein miðil at vera ov góður til.

Hvat hevði hent, um tey vóru reiðilig og spurdu, “Skal brúkarin einsamallur gjalda landskassanum partapeningin aftur?”, "Eigur landskassin at krevja skattafíggjaðar íløgur goldnar aftur?" ella “Hvør eigur at gjalda fyri samferðsluna í Føroyum, brúkarin ella landskassin?”.

Og hví síggja vit ikki líknandi Gallupkanningar yvir, hvussu aðrar samferðsluútbyggingar skulu fíggjast? Hví verður ikki spurt um dalbingar skulu gjalda Dalstunnilin einsamøll, bummur setast á Hvalbiartunnilin, um Suðuroyartunnil skal gerast fyri 5+ milliardir, um nýggj nólsoyarferja í heila tikið skal gerast, og so framvegis? 

Er tað bara tí, at hesar samferðsluútbyggingar ikki eru ein tornur í eygað á blaðstjórnini í Vágsbotni, eins og sambondini um Leirvíksfjørð og Vestmannasund eru tað?

Lýsing
Seinastu tíðindini
Minningarorð um Álvur Zachariassen
Ferðatrupulleikar hjá KÍ síggjast aftur…
Løgmaður sent Mette Frederiksen samkensl…
Man kann ikki bæði blása og hava mjøl í…
Fesk hýsa og toskur at fáa í Neystinum
Varðin og Palli hjá Mariannu: Fjórðingsm…
Myndarøð: Góðveður í Bodø
Filmur frá Voxbotn 2022
Myndarøð: KÍ-hópurin er komin uppá pláss…
Á Floksmannadegi - fuglar og náttúra
Kári skal menna nýggjar dómarar
Stórur vøkstur í persónsskatti­num í juni
Føroyaleikir: Oddvør er skjótast
- Vit mugu toppa fyri at hava ein møgule…
Akstovan eigur ikki at flyta úr Klaksvík
Akstovan eigur ikki at flyta úr Klaksvík
Tørvur á politiskum loysnum og einum hjá…
Hug at læra at gera film?
Landsliðið til NM
Klaksvíksdamur vunnu á havnardamum