Um vitjanina í Klaksvík, sigur Ragna Patawary, sum sjálv hevði eitt innlegg á stevnuni í dag, at Heri Ellingsgaard, fyrrverandi nevndarlimur í KÍ, greiddi fyrst frá hvussu viðurskiftini hjá kvinnufótbóltinum vóru fyrr í tíðini.

Eg og Rannvá Andreassen greiddu frá hvussu umstøðurnar vóru fyrr, tá ongir pengar vóru í kvinnufótbólti og vit sjálvar noyddust at savna pening til útreiðslur vit høvdu og ikki minst, tá vit skuldu uttanlanda at leika.

Birita Ryan og Sanna Svarvadal greiddu hinvegin frá, hvussu tað var at arbeiða undir væl skipaðu og struktureraðu venjingini í dag nú vit hava meiri professionellar umstøður í felagnum.

Jonas Nizze, akademileiðari hjá KÍ greiddi frá hvussu venjingin gongur fyri seg í dag, og hvussu hon verður fyriskipað undir leiðslu av ovastu venjararók.

Útlendingarnir fingu eisini eina rundvísing í umstøðunum við Djúpumýru, og eg haldi, sigur Ragna Patawary at enda, at tey vóru sera imponeraði av úrslitunum, sum KÍ kvinnurnar hava nátt nú í mong ár og av kørmunum við Djúpumýru.