Elsebeth Mercedcis Gunnleygsdóttur, løgtingskvinna ótolnast eftir at síggja framdrift í umvælingini av gamla HF-skúla bygninginum í Klaksvík. Elsebeth hevur tí sett landsstýrismanninum Sólvit E. Nolsø so ljóandi fyrispurning í Tinginum:

Hvussu gongur við verkætlanini at umvæla og útbyggja gamla HF-skúlan í Klaksvík, so hann kann hýsa hølum til endur- og viðlíkahaldsvenjing, hølum til økisdeildina hjá Almannaverkinum og skrivstovum til eindarleiðarar hjá Almannaverkinum?

Í viðmerkingunum sigur Elsebeth víðari: Hendan verkætlanin bleiv sett í gongd, meðan undirritaði sat sum landsstýrismaður í almannamálum og eftir tíðarætlanini, sum tá bleiv gjørd, skuldu hølini standa klár at taka í brúk nú í summar 2022.

Nú halda vit skjótt summar 2022 og tí hevði verið áhugavert at fingið at vita, um tíðarætlanin fer at halda.

Spyr altso Elsebeth Mercedis Gunnleygsdóttur á Føroya Løgtingi. Spurningurin varð settur 17. mai.