Útróðrarbáturin Kallanes, sum var heimahoyrandi í Klaksvík varð fyri tíð síðani seldur til Sjógæti á Eiði.

Í gjár var eg á Eiði og tók í tí sambandi eina mynd av Kallanesi, ið lá við bryggju har ný umvældur og sum eisini hevði broytt lit.

Í dag sigur Hans Marius í Byrgi, stjóri á Sjógæti, at tað hevur víst seg ikki at vera so lætt at fáa føroyingar at dríva Kallanes til útróðrar. Tí er ein ætlan nú gjørd um at tríggir indonesarar skulu fara at drifta bátin.

Eg síggið fyri mær, sigur Hans Marius í Byrgi víðari, at vit fáa ein royndan útróðrarmann í Føroyum at fara við Kallanesi einar 10 túrar við tí í hyggju at seta indonesisku sjómanninar inn í streymviðurskifti og annað í samband við útróður og síðani skulu útlendingarnir eftir ætlan dríva bátin. Kallanes er eisini útgjørdur til snelluveiðu eftir makreli.

Í Danmark til dømis, er langt síðani at Mærsk setti útlendingar umborð á øll teirra skip, soleiðis at í dag eru tað mest føroyingar og danir sum eru yvirmenn ímeðan restin kemur frá eitt nú India og aðrastaðni. Skulu vit framhaldandi hava útróður og veiðu í nærøkinum, so mugu vit finna fólk aðrastaðni frá at reka útróðurin, sum eg skiljið, so er tað sama galdandi fyri størru línubátarnar í stóran mun.