Nýggjur íbúðarbygningur í Klaksvík
Talan er um nýggjan, arkitektteknaðan eigaraíbúðarbygning í Klaksvík - Torvgøta 31, 700 Klaksvík
Soleiðis stendur í lýsing hjá Skyn á facebook. Víðari stendur at lesa:
Bygnignurin verður bygdur eftir nýggjastu og bestu vitan og tøkni.
Í fyrsta byggistigi, sum er niðari íbúðarbygningurin við Torvgøtu, er talan um 3 innilokaðar íbúðir á 64 fermetrar og 3 innilokaðar íbúðir á 96 fermetrar.
Bygningurin uttan og alt økið uttanum verður gjørt liðugt.
Inni í íbúðini verður gólvið stoypt, hitapumpa er við í keypinum, gólvhitaslangur verða lagdar í betongi og el-dósir verða stoyptar í betongveggirnar.
Keypari skal sostatt sjalvur innrætta íbúðina innan.
Felags parketingsøki er frammanfyri bygningin.
Staðsetingin er góð, og somuleiðis er gott útsýni.
Stutt er til handils, og busssambandið er gott.
Onki stendur um nær klárt er at flyta inn, men áhugaði verða biðin at venda sær til Skyn.