Tað er lutfalsliga stórur møguleiki fyri, at KÍ vinnur FM í kvøld.

Fyri at KÍ skal vinna FM nr. 20 í kvøld, so krevst, at HB fær stig móti Víkingi. Veddingarfyritøkurnar geva ein odds á 1,33 fyri, at HB fær minst eitt stig. Tað svarar til 75 prosent.

HB-Víkingur byrjar kl. 19.45.

Komandi dystur hjá KÍ er leygardagin 1. oktober í Runavík móti NSÍ. Um tað ikki eydnast í kvøld, so kann KÍ sjálvt avgera tað tá.