1. B frá 1968 hittist
Eftir at tað eru 54 ár síðani, at 1. B fór í skúla á fystasinni, hittast tey nú aftur í Klaksvík.
Tó hava tey hitt nokk so regluliga um 5. hvørt ár. Flestu teirra koma frá Vágsheygaleiðini, niðan eftir Nýggja vegi móti Borðoyarvík og har um vegir.
Tey hava verið runt ymsa staðni í Klaksvík. Byrjaðu uppi í kirkjukjallaranum, har Sjúrður Sólstein greiddi frá um listarverkið hjá Edward Fuglø, Jesu úr Nasaret – eitt meistaraverk úr træskurði – 5.000 lutir.
Síðani gekk leiðin oman í Mentanarhúsið, har Dávur Winther greiddi frá. Tey vóru hugtikin av hesum tiltrongda húsi, sum kann menna so mangt í býnum, hildu tey.
Avrátt varð eisini, at tá ið, tey fara at hava 60 ára hátíðarhald fyri skúlabyrjan, skuldi tað verða fyri øllum árganginum, og tað skuldi verða í Mentanarhúsinum!
Leið gekk nú yvir í Nólsoyar Páls húsið, síðani skúlan og út í Grøv, hyggja at og hoyra frá QR-frásøgnunum um Læknastríðið og so eina góða veitslu seinni í kvøld í Nólsoyar Páls húsinum.
Tey vóru glað at hittast aftur, har fleiri teirra nú høvdu sín dagligdag í Tórshavn, og fegnaðust tey um, at tað hendir so nógv spennandi í Klaksvík.