El-in 30 ár í dag
Vælkomin í føðingardag hjá el-in mánadagin. Tá eru 30 ár síðani el-in opnaði handilin niðri í Vági, har Olga og Haldor Holm høvdu bakarí. Helvtin av kjallaranum var gjørt til lampuhandil, meðan hin helvtin var bakaríð inntil vaksandi virksemi hjá el-in kravdi allan bygningin.
Umstøðurnar vóru ikki stórar, men akkurát passaligar til at vit kundu hava ein lampuhandil og eitt sindur av el-lutum at selja.
Øll árini hevur el-verkstaður verið partur av virkseminum, men trongu umstøðurnar í hesum gamla bygninginum minkaðu um vakstarmøguleikarnar.
Tá tunnilin lat upp, lat El-in eisini upp nýggjan handil og verkstað upp í Klingrugarði. Her hava vit húsast síðani og nú til føðingardagin er handilin á tremur av spennandi vørum og góðum tilboðum
Tað verða ymisk tiltøk í handlinum ígjøgnum alla næstu viku. Vit byrja sjálvan føðingardagin við føðingardagslagkøku og kaffi til tey vaksnu og eisini okkurt gott til børnini. Tilboð og kappingar verða føðingardagin og halda fram ígjøgnum vikuna, sum endar við einum rimmar tunnilsdegi leygardagin.
Enn einaferð vælkomin í føðingardag okkara mánadagin 19. September.