Lýsing
Lýsing
Lýsing

Nei el er ikki luksus

SKRIVAÐ: Helgi Abrahamsen, løgtingsmaður  |  21.09.2022 - 13:00 Politikkur Tíðindaskriv

“El er ikki luksus,” skrivar Beinta Løwe í eini blaðgrein í dag – og rætt er tað.

 

Men so skrivar hon eisini, at í dag eiga allir føroyingar SEV, men at samgongan hevur aðrar ætlanir. – Altso samgongan ætlar at føroyingar skulu ikki longur eiga SEV.

Síðani kemur hon við eini ávaring um, at verður SEV privatiserað, so fer prísurin at hækka, og hon vísir á støðuna í Bretlandi sum ræðumynd. Har verður, sambært Beintu, tosað um, at fólk fara ikki at hava ráð at hita sær húsini ella hava køliskáp tendraði í vetur. – Hetta er altso støðan, sum hon roynir at fáa føroyingar at skilja, at samgongan eisini ynskir fyri Føroyar.

 

Eingin ætlan um at privatisera SEV

Lat meg sláa fast, at tað er eingin ætlan í samgonguni um at privatisera SEV. Men í sambandi við umleggingina til grøna orku skulu rættiliga stórar íløgur gerast. Tær íløgurnar, saman við hækkaða oljuprísinum, eru orsøk til, at SEV nú ætlar at hækka elprísirnar í Føroyum.

Fyri at fáa orkuskiftið framt, er neyðugt at onnur eisini eru við í útbyggingini. Tí hevur landsstýrið arbeitt við at fáa fult gjøgnumskygni, soleiðis at greiður skilnaður er millum tann partin sum eigur netið (monopolið) og framleiðslupartin, sum er í kapping við aðrar veitarar. Vit tosa altso ikki um at taka nakað av tí verandi frá SEV, men vilja hava greiðan skilna á tí nýggja sum kemur afturat.

Bara í summar eru tvær nýggjar, privatar vindmyllulundir reistar, og hesar fara at veita SEV munandi bíligari orku, enn verandi oljuverk kunnu útvega. Men fokusið hjá stóru andstøðuflokkunum á tingi hevur bara verið á tann partin av framleiðsluni, sum SEV í verandi løtu ikki klárar at taka ímóti.

Jú har fer nakað av orku til spillis í útbyggingarfasuni – tí slepst ikki undan. Men hóast hetta, so ávirka nýggju vindmyllurnar prísin nógv tann rætta vegin, umframt at tær minka um CO2 útlátið. Tí áttu stóru andstøðuflokkarnir at fegnast um tað sum hendir, heldur enn at ávara føroyingar um, at nú mugu tey skjótt sløkkja bæði hita og køliskáp.

 

 

 

Lýsing
Seinastu tíðindini
Myndarøð: KÍ vann í Sarpugerði í dag
Daniel Johansen skeyt KÍ enn nærri FM 20…
NATO tinglimir á vitjan í Føroyum
Talgildar viðtalur og nýggj átøk á Suður…
U21 hetjurnar í KÍ blusuna
Kúlubøka á Kaldbaksfirði
Annað bind av "Færøsk Litteraturs Histor…
Tøkk – Ella Mørkøre
Erik Biskopstø vitjar Norðlýsið
Útróðurin í dag
Kular Røtur hava 25 ára show á Vágsbø
Unglingar lupu á sjógv
Fráferðartiltak til Oyggja­leikir 2025
Upptakt: Víkingur-KÍ
Heimsstjørna prísar flyglinum í Varpinum
U21 hetjurnar vitjaði Duritu og Fríðin
Fyrrver­andi blaðstjóri vitjaði Norðlýsið
Líggjas við enn einum meti
Julian: Eg vil hava fleiri met
Til Danmarkar at kappast