Lágtrýstini fara annan veg, koma ikki nær okkum, og sama er við brúgvaløgunum við regni. Tey fara at gera avfalli av sær onkra aðrastaðni.

Veika luftrákið ímóti okkum hevur ikki lýggjað luft við sær. Miðdepilin á hátrýstinum fer at liggja nær við Føroyar, og tí er tað ikki luft langvegis frá, sum rekur hendaveg – hvørki køld luft av pólinum ella lýggj luft úr Vesturevropa.

Veðrið í vikuni – dag fyri dag.

Mánadagin:

Í morgin byjrað tað við frískum vindi norðan, 5 til 10 m/s, sum frá líður minkar niður í frískt lot, 3 til 8 m/s, meðan hann fer eysturum til landnyrðing. Um kvøldið og náttina minkar vindurin niður í eitt lítið lot, minni enn 5 m/s. Allan dagin skýggjað við sólglottum og onkrum hendinga æli. Hitin millum 4 og 9 stig.

Týsdagin:

Lítið lot av ymsum ættum, minni enn 5 m/s, skýggjað við sólglottum og yvirhøvur turt. Hitin millum 5 og 10 stig.

Mikudagin:

Lot til frískt lot vestan, 3 til 8 m/s, hálvskýggjað og yvirhøvur turt. Hitin millum 4 og 9 stig.

Hósdagin:

Lot til frískt lot vestan, 3 til 8 m/s, sum út á náttina fer upp í útnyrðing. Skýggjað loft og yvirhøvur turt. Hitin millum 5 og 10 stig.

Fríggjadagin:

Lot til frískt lot av útnyrðingi, 3 til 8 m/s, sum spakuliga hækkar upp í norðan og fer eysturum til landnyrðing. Í erva skýggjað og yvirhøvur turt. Seinnapartin frískt lot til frískan vind av landnyrðingi, 5 til 10 m/s, smáskýggjað og yvirhøvur turt. Hitin millum 3 og 8 stig, um náttina niður ímóti frostmarkinum.