Í dag stendur nógv uppá spæl hjá NSÍ, meðan KÍ spælir fyri metum.

NSÍ er í hørðum niðurflytingarstríði, meðan KÍ er FM-vinnari, men roynir eftir metum.

NSÍ hevur bara vunnið ein heimadyst í ár, sum var móti botnliðnum Skála. Hjá KÍ eru Odmar Færø og Patrick Da Silva so mikið skaddir, at teir neyvan spæla. Hinvegin eru Deni Pavlovic og Jonn Johannessen byrjaðir at venja aftur við fullari ferð. Eisini bendur okkurt á, at nú KÍ hevur vunnið FM, so kann tað blíva meiri spælitíð til onkrar av yngru lokalu leikarunum í hópinum.

Dysturin í Runavík byrjar kl. 15.00. Dómari verður Eiler Rasmussen.