Veðrið um vikuskiftið
Hann hevur ligið av eystri í morgun og í dag, vindferðin hevur verið 5 til 10 m/s. Fyri tað mesta turt kring alt landið, tó at onkur ælingur hevur verið.
Tað er eitt lágtrýst vestan fyri Írland, sum dregur luftina av skandinavisku hálvoynni til sín. Ávegis fer hon umvegis Føroyar av ættunum millum eystan og landnyrðing.
Og soleiðis fer veðrið at vera alt hetta vikuskiftið.
Í kvøld hækkar hann úr eystri upp í landnyrðing, og vindurin veksur úr 5 til 10 m/s. upp í 7 til 12 m/s. Samdrigið ella skýggjað, og fyri tað mesta turt.
Hitin í dag liggur um 8 til 10 stig.
Í nátt og fyrrapartin í morgin er sama veður sum í dag. Seinnapartin gongur hann niður í eystan, og vindurin minkar niður í 5 til 10 m/s, og soleiðis er restina av degnum. Allan dagin skýggjað og turt fyri tað mesta, tó okkurt ælið.
Hitin í morgin fer at liggja um 8 til 10 stig.
Sunnunáttina veksur vindurin aftur upp í 7 til 12 m/s, framvegis av eystri, skýggjað og fyri tað mesta turt, og soleiðis er veðrið allan sunnudagin.
Hitin sunnudagin fer at liggja um 8 til 10 stig.