Valúrslitið í Klaksvík
Valúrslitið er nú klárt, og einasti flokkur, ið hevði afturgongd í Klaksvík, varð Fólkaflokkurin. Tó gjørdist stóri atkvøðuslúkurin í Fólkaflokkinum, Elsebeth Mercedes Gunnleygsdóttir, ið fekk 309 atkvøður.
Sambandsflokkurin var tann flokkurin í gekk mest fram, við 5,7%, og stóri atkvøðuslúkurin hjá Sambandsflokkinum gjørdist Hanna Ovadóttir.
Ovast á listanum hjá Javnaðarflokkinum gjørdist Sjúrður Skaale. Tjóðveldið stóð mest sum í stað, og var tað Beinta Løwe, ið endaði ovast á listanum við 74 atkvøðum.
Miðflokkurin fekk 160 atkvøður, og tað undrunaverdar her er, at tað var formaðurin í Miðflokkinum, ið fekk flestar atkvøður, og ikki Steffan Klein Poulsen, ið annars kemur úr norðurøkinum.
Framsøkn fekk bert 29 stemmur í Klaksvík, men hetta var ein framgongd á 17 stemmur.