Hósdagin er broyting í mynstrinum. Um tað er varandi ella ikki fáa vit at síggja. Lágtrýstini fara at leggja seg á eina leið ímillum Suðurgrønland og Ísland. Ættin fer at liggja um sunnan til útsynning, men framvegis nógvar løtur við regni ella ælaveðri.

Veðrið í vikuni – dag fyri dag:

Mánadag: Eystan, 5 til 10 m/s, skýggjað og ælaveður. Um kvøldið veksur hann vindin til 8 til 13 m/s av eystri, klárari í veðrinum og fyri tað mesta turt.

Hitin mánadagin fer at liggja um 7 til 9 stig.

Týsdag: Týsnáttina eysturætt, 8 til 13 m/s, samdrigið og so skýggjað og regn. Út á fyrrapartin slítur í, hann lækkar hann niður í sunnan, og vindurin minkar niður um 5 m/s. Seinnapartin og restina av degnum er landsynningur, 8 til 13 m/s, samdrigið og fyri tað mesta turt.

Hitin týsdagin fer at liggja um 8 til 10 stig.

Mikudag: Um náttina landsynningur, 5 til 10 m/s, samdrigið og turt. Út á fyrrapartin og restina av degnum fer hann at mala úr ymsum ættum, undir 5 m/s, skýggjað og ælaveður, men klárt og turt um kvøldið.

Hitin mikudagin fer at liggja um 8 til 10 stig.

Hósdag: Ymsar ættir um náttina, samdrigið og turt. Út á fyrrapartin gerst skýggjað og tað fer at regna, meðan hann veksur vindin av suðuri, upp í 10 til 15 m/s á middegi. Soleiðis er veðrið restina av degnum, tó at tað fer at slíta í um kvøldið.

Hitin hósdagin fer at liggja um 9 til 11 stig.

Fríggjadag: Um náttina enn sunnan, 10 til 15 m/s, samdrigið og turt. Út á fyrrapartin er ælaveður, meðan hann minkar vindin og gongur upp í útsynning. Á middegi eru 8 til 13 m/s av útsynningi, samdrigið og fyri tað mesta turt. Restina av fríggjadegnum er 5 til 10 m/s av útsynningi, skýggjað ella samdrigið og fyri tað mesta turt.

Hitin fríggjadagin fer at liggja um 10 til 12 stig.